„Да се биде Градоначалник на Велес, на градот со посебно место во историјата, просветата и културата на македонскиот народ и држава, не е само голема чест, туку и огромна одговорност. Сакам да ве убедам дека заедно со членовите на Советот и општинската администрација дадовме максимум од можното“, рече Коцевски.

Коцевски ги нагласи условите во кои работеше во неговиот трет мандат, со наследени долгови, во услови на светска пандемија на Ковид 19, мала администрација и недостиг на средства од централно ниво за реализација на капитални проекти.

Тој за јавноста ги презентираше сите најзначајни инфраструктурни проекти реализирани во изминатите четири години и нагласи дека во овој мандат е постигнат историски успех во постоењето на општината со обезбедување на дури 8.775.711 евра, средства од надворешни фондови за реализација на капитални проекти. Исто така средствата за изградба на инфраструктурата се двојно зголемени во однос на 2017 година или од 40.060.457 денари во 2017  до септември годинава пораснаа на 87.213.289  денари.

Коцевски најави и значајна инвестиција за изградба на фотоволтаична централа на површина од 72,6 ха во месноста викана „Ново село“ , инвестиција вредна меѓу 40 и 50 милиони евра во првата фаза и плановите на инвеститорот за изградба на дистрибутивен центар и фабрика за бродски турбини од пет милиони евра во ИЗ Мамутчево, со отворање на нови работни места и забрзан економски развој. Градоначалникот Коцевски ја извести јавноста и за обезбедените средства и подготвена техничка документација за изградба на подземна гаража и плоштад во центарот на Велес, реконструкција на улиците во централното градско подрачје,нова библиотека, атмосферска канализација за град Велес, гасификација и многу други значајни инфраструктурни проекти, како што тој нагласи за дел од овие проекти веќе се обезбедени средства.

„Општина Велес ќе ја оставам со голем углед без долгови со многу започнати проекти кои се мерат во милиони евра што е гаранција дека Велес успешно ќе се развива во следниот мандатен период“, додаде Коцевски.

Отчетот на Градоначалникот Аце Коцевски за сработеното во изминатиот трет мандат како и претходните два мандати, можете да го преземете од следниот линк.

Линк

„Живееме во демократско време секој има право да го изрази своето мислење но мене ме загрижува фактот што заради недоволната политичка култура, политичката заслепеност и длабоката разделеност на двата табори во нашата земја како да не знаеме, не можеме или не сакаме да се израдуваме на убавите работи кои ќе донесат благодет за сите а не само за тие што се на власт.

Народот вели немаат „ни срам ни перде“, поранешни функционери кои се дрзнаа на социјалните мрежи да критикуваат зошто се доцнело со почетокот на изградбата на пазарот иако вистински виновници што се доцнеше се токму тие“, рече Коцевски.

Градоначалникот Коцевски објасни дека 40-те  милиони денари  општината ги добила од Владата кон крајот на 2019 година.

„Општината не почна со изградба на пазарот во 2020 година поради следниве причини:

-прво затоа што не беше донесен ДУП, моравме да почекаме да заврши постапката за донесување на ДУП а кој се носеше исклучително долго околу десетина години.

-моравме да ја завршиме постапката за да го добиеме земјиштето на кое се наоѓа пазарот на користење од страна на државата преку министерството  за транспорт и врски  и преку владата затоа што претходната власт од за мене неразбирливи причини го одзела корисничкото право од „Дервен“ и и го вратила на Владата на користење и трето за да можеме да си издадеме одобрение за градба и да распишеме тендер за да избереме најповолен изведувач мораше да бидат завршени сите претходни работи“, рече Коцевски.

Тој изрази жалење што претходната власт го злоупотребила пазарот во кампањата во 2017 година кога склучила договор со фирма изведувач со склучен договор од 12 милиони денари само за земјени работи без набавка на ниту еден килограм челик. Општина Велес тогаш го раскинала договорот и не ја продолжила постапката која била незаконска и нелегитимна.

„Тие истите кои учествуваа на камен темелникот на новата театарска зграда во Велес во мај 2008 година во присуство на премиерот и министерката за култура и други министри од Владата кои камен темелникот го поставија на кота 6 метри повисока од вистинските темели само за да направат свеченост во функција на престојните избори, после тоа бесрамно ја ископаа земјата во длабочина од 6 метри и камен темелникот заедно со повелбата која била ставена во шише и опеана од Владиката ја фрлија во депонија за градежен шут. Сега истите тие нас не напаѓаат 7 месеци пред изборите дека ние наводно го злоупотребуваме овој настан за собирање на политилки поиени во пресрет на локалните избори. До тогаш има уште 7 месеци и можат да се направат уште многу работи“, додаде Коцевски.

Се изврши асфалтирање на улицата „Крсте Мисирков” со должина од 160м со вкупна вредност од 1.800.000,00 денари.Извршено е гребење на улиците „Мицко Козар” и „Пратение Зоографски” и во наредните денови се очекува да се изврши асфалтирање на абечкиот слој.

Се продолжи со градежни активност на „Смарт езеро Младост – Прва иновативна туристичка атракција во Македонија”. Се  работи на подпроекот „Замок” и подготвителни активности на подпроектот „Брод”. Исто така има активности и на сервисниот блок. Завршени се градежните работи на пробивање и тампонирање на пристапна улица и паркинг до влез на „Еко кампот” со средства на Општина Велес. Вредноста на инвестицијата е 1.100.000,00 денари.

На улицата „Луј Пастер” се изврши реконструкција на водоводната мрежа и се заменија азбест цементни цевки со ПЕ со должина од  400м ф90мм. Се предвидува да се врати во првобитна положба до 5.12.2020. Се изведе водоснабдителната линија кон Речани ф225 со должина од 800м. Вкупната вредност на инвестицијата 2.500.000,00 денари.Во завршна фаза се градежно-монтажните работи на водоснабдување на населено место Отовица од градскиот водоснабдителен систем.

Се работи на бетонирање на дел од улица „Петре Алчев”, а ќе се продолжи со бетонирање на улица „Васил Иљоски” во населба Речани.Во тек се градежни активности за уредување на паркинг простор и пристапна патека на улица „Крсте Мисирков”. Вредноста на инвестицијата е 1.500.000,00 денари.Од страна на економскиот оператор „Павер Трејд” се поплочи тротоарот на улиците „Тодор Јанев” и „Киро Ќучук”.Се заврши со реконструкција на улицата „Петре Милевски”.

Денеска се планира да се изврши асфалтирање на улица во Сателитска населба Езеро Младост на носивиот слој, а следните денови и слојот за абење.Се припрема подлогота за тротоарот на улица „Благој Ѓорев” (се вршат градежни активности за поставување на подземни инсталации  и се вршат активности за припрема за садење дрва).

Има градежни активности за реконструкција на дел од  тротоарот обложен со травертин во центарот на градот.Завршени се градежните работи за санирање на мермерната облога на кејот на река Вардар.

„Има промени на дневна основа, но вирусот е распространет широко и затоа не може да се лоцираат кластери со исклучок на семејни и соседски жаришта што се појавија во Горно Оризари, Мелница и Градско. Од податоците што ни се во моментов достапни денес се регистрирани 30 нови оздравени лица“, рече Коцевски на денешната прес конференција.

Притисокот попушта речиси во сите здравствени институции каде се третираат и лекуваат пациенти заразени или сомнителни на Ковид-19. Во болницата моментално има 20 слободни места, а во моментов се завршуваат градежните зафати околу модуларната Ковид болница што ќе биде поставена на хелиодромот над инфективното одделение на велешката болница.

Како горлив проблем кој веќе неколку месеци се провлекува е тријажниот центар кој се уште не е отворен. На него инсистираат матичните лекари а во него би требало да се третираат сите сомнителни пациенти на Ковид-19 без да доаѓаат во контакт со останатите пациенти кои доаѓаат во здравствените амбуланти.

„Се уште нема конкретно решение за тријажниот центар. Се состанале директорите на јавните здравствени институции и матичните лекари но нема решение. Потребно е внимателно да се анализира ситуацијата бидејќи за отворање на таков ценатр се потребни дозволи од министерството за здравство и санитарно-здравствениот инспекторат“, рече Коцевски.

Не е драматична состојбата и во Јавните претпријатија во градот како ниту во образовните институции каде не е многу голем бројот на заразени лица од Корона вирусот.

Во текот на годинава што изминува , во 88 денови имало надминување на среднодневната концентрација на суспендирани честички што е за 53 денови повеќе од дозволениот број на надминувања во текот на една календарска година. Од друга страна пак, ниту еднаш не  бил надминат прагот на алармирање, а тоа се случува кога во два последователни денови се измерени среднодневни концентрации на ПМ 10 честички поголеми од 200 микрограми на метар кубен. Годинава само четири пати бил надминат прагот на информирање кога биле измерени ПМ 10 честички повисоки од 100 микрограми на метар кубен.

Општина Велес континуирано упатува апел и препораки до граѓаните, рано наутро и доцна навечер да избегнуваат излегување надвор, да ги одложат сите активности на отворено, правилно да се користат печките за дрва, да се користи јавен превоз, повеќе лица да не се возат со едно возило во исто време.

„Велес заслужува да биде уреден град, без хаос на тротоарите и јавните површини, град во кој ќе има ред, ќе се зајакне безбедноста на сите учесници во сообраќајот и ќе се намали загадувањето. Во сите градови во светот и во Европа паркирањето во т.н црвена зона секогаш е најскапо. Тоа се мери со степенот на удобност и повластена ситуација.Доколку сакате да се возите со возило и да не одите пеш низ централното градско подрачје треба да платите за таа привилегија.Некои градови и држави одат и дотаму што во интерес на екологијата забрануваат движење на автомобили во црвената зона. Значи, во Велес мора да има ред и со овој значен проект ќе има ред“, рече Коцевски.

Во однос на реакциите за нови паркинзи, Коцевски истакна дека општината континуирано работи на обезбедување на нови паркинг места, но и граѓаните треба да ги променат навиките и да ги паркираат возилата на веќе расположивите паркинзи како што е времениот паркинг кај мостот Гемиџии. Општината работи и на проектот катна гаража, но овој вид проекти се обемни и долготрајни, затоа и општината обезбедува нови простори за времено паркирање како што е времениот паркинг на местото на поранешниот диспанзер.

„Исто така граѓаните треба да знаат дека на улицата „Благој Ѓорев“ не може да се паркираат возила, затоа што тоа е спротивно на Правилникот за стандарди и нормативи за урбанистичко планирање. Ова значи дека сегашната ситуација е директно прекршување на овој правилник“, рече Коцевски.

Во однос на утврдените цени, Коцевски истакна  дека тие се утврдени  после сеопфатна анализа и споредба со градовите каде веќе е организирано зонско паркирање  Штип, Битола, Струмица и Кавадарци.

„Според она што денеска беше изнесено на седницата на Штабот за заштита и спасување, во општата болница во Велес, состојбата е крајно сериозна, на инфективното одделение има само уште два слободни кревети, а во функција е ставено и дел од интерното одделение каде се сместуваат пациентите со полесна клиничка слика. Интензивно се подготвува и одделението за физикална терапија која деновиве ќе биде уште еден Ковид центар“, рече градоначалникот Коцевски.

На денешната прес конференција тој истакна дека Општина Велес ќе испрати барање до Генералштабот на АРМ со цел да се стават на располагање дел од вработените на АРМ за потребите на болницата. Тие ќе бидат ангажирани  за транспорт на кислородните концентратори и на влезот и излезот на болницата без да имаат каков било контакт со пациентите.

Матичните лекари бараат под итно да се отвори тријажен центар за пациентите со симптоми на Ковид, за да се намали притисокот врз нив. Ќе се бара соодветен простор во кој ќе има лабораторија и рентген каде пациентите првично ќе добијат здравствена услуга.

Градоначалникот Коцевски информираше дека поради топлото време деновиве кое ќе ги изнесе граѓаните надвор, ќе се дезинфицираат летниковците и патеките на Езеро Младост. Тој сепак упати апел до граѓаните, да се придржуваат кон предвидените мерки за заштита.

Инаку во ОЈУ Детска градинка „Димче Мирчев“, Ученичкиот интернат „Лазар Лазаревски“, основните и средните училишта има седум ученици позитивни, 93 се во изолација, 10 наставници се позитивни, а 20 во изолација.

Воедно тој апелираше до жителите на Општина Велес, а посебно до младите сограѓани да ги почитуваат пропишаните мерки за заштита од ширење на Ковид-19.

„Инфицирани од Корона вирусот во Велес и велешко се 352 лица, 296 се оздравени, а 40 се активни случаи”, рече Коцевски.

На домашно лекување се наоѓаат 33 лица, шест се наоѓаат на Инфективното одделение во ЈЗУ Ошта болница, Велес, а едно лице е на Инфективното клиника во  Скопје. Вкупната бројка на мртви лица до денес изнесува 16, изјави пред медиумите градоначалникот Коцевски.

Едно лице е позитивно и потврдено од лабораторијата на МАНУ, едно лице кое било на домашно лекување е оздравено и едно лице кое било згрижено на Инфективната клиника во Скопје е починато.

„Вкупната бројка на позитивни случаи во Велес и велешко до денес изнесува 289 лица, од кои 257 оздравени, 17 активни и 15 починати. Од активните случаи, 11 лица се наоѓаат на домашно лекување, а шест на Инфективното одделение во Велес. Со претставниците на ОШЗС заклучивме дека состојбата во Велес и велешко е стабилна, но непредвидлива и нема простор за опуштање”, изјави пред новинарите градоначалникот Коцевски.