Асфалтирана е една од најфрекфентните улици во с. Бузалково

Во село Бузалково викендов завршија градежните работи за асфалтирање на 170 метри од улицата која минува низ селото и води до с. Сливник и с. Р’левци. Градоначалникот на Општина Велес, Славчо Чадиев денес беше во посета на ова велешко село каде заедно со жителите направи обиколка и увид на завршената работа. Од негова страна беше истакнато дека е задоволен изведбата на градежните активности, со што се решава долгогодишниот проблем на овој дел од патот каде секојдневно минуваат жителите од селата Бузалково, Сливник и Р’левци. Средствата за уредувањето на овој дел од улицата во висина од околу 700.000 денари ќе бидат обезбедени од Буџетот на Општина Велес.

Повеќе...

Нова урбана опрема околу Езерото Младост

Со поставувањето на урбана опрема на пешачката патека околу Езерото Младост се создадоа пријатни места за одмор и рекреација на граѓаните кои овде го поминуваат своето слободно време.

Повеќе...

Играј фер и веќе си победник

Денес во просториите на ООУ „Блаже Конески” Велес се реализираше актвиноста „Играј фер и веќе си победник” како дел од програмата на Советот за превенција од детско престапништво. Активноста има за цел зголемување на свеста за потребата од развивање на програми и постапки за намалување на ризиците кои водат до малолетничко престапништво. Во оваа активност учествуваа родители, ученици и наставници а преку игра се даде значење за важноста на влијанијата на семејството и училиштето во превенирање на детсткото престапништво. Учесници во активностите беа ученици, родители и наставници (вкупно 45) од ООУ „Блаже Конески” Велес и ООУ „Благој Кирков” Велес.

Повеќе...

Нова вежбалница во близина на велешката касарна

Во близина на велешката касарна се гради нова вежбалница, трета од овој тип. Со нејзината изградба, ќе се исполнат барањата на голем број спортисти и млади луѓе од овој дел на градот кои токму овде ќе можат да вежбаат и да го поминуваат своето слободно време. Сите граѓани што имаат потреба да вежбаат ќе можат бесплатно во било кое време од денот да ги користат овие спортски реквизити. Исто така на кошаркарското игралиште кое се наоѓа во близина на вежбалница, неодамна се изврши и реконструкција на кошевите и поставување на нови табли. Ваквите напори и вложувања се уште еден доказ дека Oпштина Велес посветува големо внимание на сите видови спорт вклучувајќи ги како училишниот така и рекреативниот.

Повеќе...

УД „Керамичар” одбележа 60 години работа и постоење на ансамблот

Со два јубилејни концерти на 7-ми и 8-ми Ноември, во рамките на Програмата за одбележување на Денот на Општина Велес, КУД „Керамичар” одбележа 60 години работа и постоење на ансамблот. Во изминатите 6 децении, „Керамичар” покажа дека е вистински културен амбасадор на Велес и Македонија, кој специфичниот македонски фолклор го доближи до луѓето од сите меридијани, во над 22 земји од Европа и Светот. Со голем ентузијазам, фолклорните групи на ансамблот „Керамичар“ градеа вистински културен бренд во срцето на Македонија, кој денес сите нас не исполнува со гордост и почит кон богатото фолклорно наследство.

Повеќе...