Од практикантска работа до вработување и самовработување

Во рамките на спроведувањето на проектот на УСАИД за практикантска работа и вработување на лицата со попреченост, во Општина Велес се оствари отворена работна средба со регионалниот проект координатор, институции на локално ниво, организации и здруженија на лица со попреченост.

Повеќе...

Успешна реализација на 11-тата по ред Велешка питијада

Општина Велес и Градоначалникот Славчо Чадиев на сите велешани им искажуваат огромна благодарност за личниот придонес што го дадоа во реализацијата на 11-тата по ред Велешка питијада или Фестивал на пити и вино 2014. Од 10-12 Октомври, Велес живееше во знакот на оваа манифестација на која учество зедоа 32 угостители и винарии од Велес и регионот.

Повеќе...

Велес 2014 off-road велосипедска тура

Велосипедскиот настан „Велес 2014 off-road велосипедска тура“ претставува еднодневен вело-настан што се одржа во Велес и околината на Велес во саботата на 11 октомври 2014 година. Настанот вклучуваше две патеки, off-road велосипедска тура, асфалтна тура околу Велес и учество на познатата Велешка Питијада со дегустација на велешка пита пастрмајлија и македонски вина. Стартот на вело-турата беше од пред влезот на гимназијата “Кочо Рацин“, а продолжи по однапред планирана патека кој опфати неколу Велешки села, како и возење покрај реката Вардар по исклучително интересен предел. Велосипедистите турата ја завршија онаму од каде што почнаа, централното место каде што се одржуваше овогодинешната Питијада. Организацитори на оваа off-road велосипедска тура беа група љубители на велосипедизмот – ВЕЛЕС БАЈКИНГ, Општина Велес, здружението на граѓани “Велес ФЕСТ“ и Д.П.С. СКИ-КАРАВАН Велес.

Повеќе...

Турнир на пеливани во Бузалково

Согласно програмските активности на Општина Велес, во саботата на 11-ти Октомври се одржа традиционалниот турнир на пеливани во селото Бузалково. Традицијата на стариот спорт што со особено внимание се негува во ова населено место, предизвика голем интерес како од пеливанските клубови од целата држава, така и од населението од Бузалково, Велес и голем број населени места во општината. Во пеливанските борби учествуваа повеќе од 100 борачи од сите категории. Организатор на турнирот е МЗ „Бузалково” и Општина Велес. Турнирот беше збогатен со културно-уметничка програма што ја подготвија членовите на ансамблот КУД „Емин Дураку“ од Скопје и традиционалните зурли и тапани што ги придружуваат борбите на пеливаните.

Повеќе...

Прием на првачињата во „Детската организација“

Во склоп на одбележувањето на „Детската недела“ покрај низата активности на училиштата, денес во Општина Велес се одбележа приемот на првачиња во „Детската организација“. По тој повод на присутните првачиња од сите основни училишта од Општина Велес и на нивните наставници им се обрати градоначалникот г-дин Славчо Чадиев и им посака многу здравје, весело детство и успех во образованието. При тоа градоначалникот им вети дека секогаш ќе ги поддржува и ќе се заложува за осовременување на образованието, а посака и во иднина да ги сретне повторно како изградени и успешни млади личности.

Повеќе...

11 Октомври – Денот на востанието на Македонија

Денес во Ликовниот салон во организација на Општина Велес и ОО на Сојуз на борци, а во пресрет на 11 Октомври – Денот на востанието на Македонија, се одржа турнир во шах. Турнирот е од натпреварувачки карактер, а настанот се искористи и за одигрување на еден натпревар со новопоставените фигури кои се наоѓаат на плочникот пред Ликовниот салон. Стартот на овој празничен настан го означија Градоначалникот Славчо Чадиев и Претседателот на ОО на Сојуз на борци – Велес, Саздо Кицевски. На победниците од одиграните натпревари, во Петок свечено ќе им бидат доделени наградите, на манифестацијата која ќе се одржи на Спомен-костурницата во пресрет на големиот празник.

Повеќе...

5-ти октомври – Светскиот ден на учителите

Почитувани просветни работници

Од мое лично име, од името на Советот на Општина Велес и од името на сите граѓани, дозволете ми да Ви го честитатм 5-ти октомври – Светскиот ден на учителите. Денес сите ние ја прославуваме Ваша одданост и верност, вашата љубов и животно мото, да се образува и воспитува, да се гради иднината. Во понатамошниот период Ви посакувам уште поголеми резултати, успеси и просперитет во работа со учениците!

Со почит,
Славчо Чадиев,
Градоначалник на Општина Велес

Велешките ученици гости во Општина Маврово - Ростуше

 

Спортско-културната манифестација „СПОРТСКИ БОН ТОН“ -Традиционални спортски игри, со својот караван продолжува и понатаму. Учениците од ООУ„Благој Кирков“ и ООУ „Ј.Х.К.Џинот“ како претставници на Општина Велес земаа активно учество во овој настан и преку детските традиционални игри, се натпреваруваа, се дружеа и се забавуваа со своите врсници од други пет градови во Oпштина Маврово-Ростуше.

И овојпат како покровител на оваа прекрасна манифестација меѓу учениците беше присутен и претседателот на Република Македонија, г-дин Ѓорѓе Иванов, кој со задоволство разговараше и се дружеше со нив, потсетувајќи се на своето детство, на детските игри и истакнувајќи ја важноста на овие традиционални игри, за зачувување на националноста.

Повеќе...