Соопштенија

Интервентни мерки против аерозагадувањето

Во општина Велес веќе неколку месеци нема податоци за состојбата со квалитетот на амбиентниот воздух за ПМ10 честичките, но загадувањето на воздухот е реалност. Со подобрувањето на временските услови започна да се спроведува вонредно перење на улиците во градот кое е предвидено во Програмата за јавна чистота, а со посебен акцент на оние улици каде се изведуваа поголеми градежни активности („Самоборска“, „Благој Ѓорев“), на улици каде со снежните врнежи беше извршено посипување со абразивен материјал и кој со топењето на снегот остана во големи количини на улиците („Индустриска“,„ АСНОМ“, „Борис Трајковски“).

Повеќе...

Средба на градоначалникот со здруженијата од областа на културата

Создавањето на Младински креативен центар кој ќе биде во функција на развој на културата беше во фокусот на денешната средба на градоначалникот Аце Коцевски со претставници на здруженијата на граѓани од областа на културата. На средбата беа разменети мислења за потребата од просторни услови за работа за балетските групи, културно-уметничките друштва, оркестрите, хоровите, музичарите и аматерските театарски групи.

Повеќе...

Кои стручни кадри се потребни на Велес?

Денес во Општина Велес се одржа состанок на бизнис заедницата односно членовите на Локалниот економски совет со директорите на средните општински училишта. Во фокусот на средбата беше реалната потреба на образовни профили според потребите кои ги имаат стопанствениците на локално ниво.

Повеќе...

Проектот „Фудбал во училишта“ и во Велес

Во организација на Фудбалска федерација на Македонија во соработка со Федерацијата на училишен спорт денес во ОУ „ Блаже Конески“ се одржа спортски настан на кои учениците од  четири основни училишта од Велес и едно училиште од Градско имаа можност да ги покажат своите вештини во фудбалот. Настанот е во рамките на големиот проект „Фудбал во училишта“ кој има цел  да ја  доближи најважната споредна работа на светот, фудбалот до најмладите.Со завршување на проектот се предвидува да се вклучат 15.000 ученици од цела Македонија со подеднакво учество на момчиња и девојчиња.

Повеќе...

Позитивни финансиски резултати и во IV квартал 2018

На денешната прес конференција, градоначалникот Аце Коцевски изрази задоволство од постигнатите резултати во финансиското работење на општината. Како што рече градоначалникот и во четвртиот квартал во 2018 година, Општина Велес бележи позитивни финансиски резултати:

Повеќе...

Директорот на ЈКП „Дервен“ поднесе оставка

На денешната прес конференција, градоначалникот Аце Коцевски ја извести јавноста дека директорот на ЈКП „Дервен“  Ѓорѓи Стојанов го известил дека поднесува неотповиклива оставка и бара да биде разрешен од функцијата директор на ЈКП „Дервен“ затоа што во меѓувреме неговиот син е поставен за раководител на регионалната канцеларија на Централниот регистар  на РМ во Велес.

Повеќе...

Балетот „Либертанго“ во Велес

Во вторник, 12 февруари, со почеток во 20 часот во Народниот театар „ЈХК-Џинот“, Македонската опера и балет ќе настапи со балетот „Либертанго“. Настанот го најави градоначалникот Аце Коцевски на прес конференција што се одржа на 5 февруари годинава.

Повеќе...

Нови технологии во функција на транспарентен совет

Примената на новиот систем за директен пренос во живо на седниците на советот беше во фокусот на денешната прес- конференција на Душко Петров,  претседател на Советот на Општина Велес. Од 31 јануари годинава, седниците започнаа да се пренесуваат на официјалната веб страница на општината како и на социјалната мрежа Фејсбук, каде има линк до официјалниот Youtube канал на Општина Велес.

Повеќе...

Поддршка за граѓаните од ромската заедница

На 4. Февруари годинава градоначалникот Аце Коцевски оствари средба со делегација на Советот на Европа и асоцијацијата „Сонце“ кои ја спроведуваат програмата РОМАКТЕД. Целта на програмата во која е вклучена Општина Велес е зајакнување на улогата на граѓаните од Ромската заедница во планирањето и реализацијата на проекти што целат кон подобрување на животот на Ромите.

Повеќе...

Заменик министерот Бајрактар во посета на Велес

На 1 февруари годинава, градоначалникот Аце Коцевски оствари средба со Ѓонул Бајрактар, Заменик-министер за труд и социјална политика. Во присуство на претставници на турската заедница во Велес и претставници на министерството, Коцевски изрази благодарност за придонесот на турската заедница во развојот на Велес, негувањето на соработката и соживотот.

Повеќе...

Велешани ќе добијат нов затворен базен

Велешани ќе добијат затворен базен, а постоечкиот отворен ќе се реконструира. Како што соопшти градоначалникот Аце Коцевски на прес конференција затворениот базен ќе биде лоциран во непосредна близина на постоечкиот градски базен,на самиот влез од северната страна каде во моментов се поставени реквизити за деца. „Објектот е со димензии 20,4 х 30,4 метри, со висина од 5, 6 метри. Самата водена површина која ќе биде изведена со 4 ленти, е 25 х 9 метри. Базенот ќе биде со длабочина од минимум 80 сантиметри до 1,2 метри.

Повеќе...