ОУД “Лазар Лазаревски” Велес е воспитно – образовна установа за прифаќање на редовните ученици од четирите средни училишта во градот, и тоа од „Јовче Тесличков”, „Коле Неделковски”, „Димитрија Чуповски” и Гимназија „Кочо Рацин”. Тој е наменет за ученици од различни возрасти и степени на образование кои имаат потреба од домско сместување (кои се школуваат надвор од местото на живеење).
Домот својата работа ќе ја заснова врз основа на:
- План и Програма за воспитно – образовна дејност во ученичките домови донесена 1999г. од Министерството за образование и наука на Република Северна Македонија
- Законот за ученички стандард (Сл. Весник на Р.Македонија бр. 52/05)
- Статутот на ОУД “Лазар Лазаревски” – Велес донесен 2008 г.
Основната дејност на домот е воспитание и образование, реализирани преку наставни планови и програми кои се одредуваат со законски прописи на МОН и БРО на Република Северна Македонија.
Воспитно – образовната дејност на Домот се одвива според План и Програма, која по предлог на БРО ги донесува Министерот, ќе се изготвува со непосредно учество на учениците, воспитувачите, стручните соработници и непосредната општествена заедница.
НАШАТА МИСИЈА
Ученичкиот дом предводи и поттикнува промени кои се патоказ за креативна, здрава и образована личност.
НАШАТА ВИЗИЈА
Учењето, хармонијата и просперитетот на учениците од нашиот ученички дом кон посветла иднина
