Во рамките на Купот на Македонија, денес во кругот на ССОУ „Коле Неделковски” се одржа велосипедска трка Вело – крос.
Ова е прва трка годинава, со што беше означена новата сезона 2019/2020.
Седумедесетина велосипедисти од десетина велосипедски клубови од државата денес беа дел од Вело – крос трката.
Во соработка со Општина Велес, спортскиот настан беше организиран од страна на Младинскиот велосипедски клуб од Велес и Велосипедската федерација на Македонија.
Градоначалникот на Општина Велес, Аце Коцевски ги додели наградите на најуспешните кои се натпреваруваа во категориите кадети, жени, мастерс, јуниори и сениори.
Општина Велес и понатаму ќе ги поддржува спортските случувања во градот.
