Денеска се навршуваат 20 години од авионската несреќа во која животот го загуби велешанката Анита Кришан Лозаноска. Таа беше дел од осумчлената делегација што го придружуваше претседателот Борис Трајковски на меѓународна конференција во Мостар. Несреќата се случи на 26 февруари 2004 година во близина на Ротмиље, Мостар, Босна и Херцеговина и во неа загина претседателот Трајковски, осумчлената делегација и екипажот на авионот.
Во спомен на Кришан Лозаноска, делегација на Општина Велес положи цвеќе на нејзиното вечно почивалиште, на гробиштата во црквата Св. Спас. По повод годишнината цвеќе положи и делегација од кабинетот на претседателот на државата.
