На светскиот ден на театарот, 27 март, вчеравечер во театарот „Ј.Х.К.Џинот“ започна четвртото издание на театарскиот фестивал посветен на доајенот на театарската уметност Петре Прличко. На свеченото отворање беше доделена истоимената награда за животно дело на актерката Слободанка Чичевска, која повеќе од четитри децении игра улоги и твори во велешкиот театар.
Фестивалот беше отворен со култната претставата „Госпоѓа Министерка“ од Бранислав Нушиќ во режија на Синиша Ефтимов, а во продукција на театарот Ј.Х.К. Џинот“.
Театарскиот фестивал ќе трае до 16 април на кој освен македонски, годинава за прв пат ќе учествуваат и театри од Србија и Црна Гора.
