Советот на Општина Велес, на денешната редовна 55 седница, донесе едногласна одлука, утрешниот ден, 18 октомври 2024 година, да го прогласи за Ден на жалост, поради трагичната смрт на тројца наши сограѓани кои го загубија својот живот во тешка сообраќајна несреќа што се случи на 16 октомври 2024 година на автопатот Скопје – Велес. Во несреќата тешко се повредени уште петмина наши сограѓани.
„Изразувам длабоко сочувство до семејствата на загинатите наши сограѓани, а на повредените им посакувам брзо закрепнување и поскоро враќање во нормалниот живот“, рече градоначалникот Марко Колев.
На Денот на жалост, знамињата во Општина Велес ќе бидат истакнати на половина копје, сите културни и спортски манифестации закажани за утре, 18 октомври 2024 година, се одложуваат. Угостителските објекти кои се на територијата на Општина Велес ќе емитуваат сериозна музика.
