Под слоганот „Катастар до тебе“ Агенцијата за катастар на недвижности започна кампања која има за цел да им ги доближи услугите на граѓаните, со отворени и транспарентни одговори за сите нивни проблеми. Службеници на агенцијата ќе одржуваат средби со граѓаните кои се соочуваат со долгогодишни проблеми и прашања со цел да се изнајдат соодветни решенија.
Ваква средба во Велес ќе се одржи на 19 февруари (четврток) во електронската сала на Општина Велес со почеток во 14:30 часот.
Општина Велес ги поканува сите засегнати граѓани кои имаат прашања од надлежностите на Агенцијата за катастар на недвижности да присуствуваат на средбата од која можат да го извлечат решението на проблемот или да добијат одговор на прашањето што го имаат.
