ЈУБИЛЕЈНО 5 ИЗДАНИЕ НА ТЕАТАРСКИОТ ФЕСТИВАЛ „5РЕ“

На Светскиот ден на театарот, 27 март, ќе се одржи јубилејното 5-то издание на театарскиот фестивал „5ре“, посветен на доајенот на македонското глумиште Петре Прличко. Фестивалот ќе стартува со претставата „Тестостерон“, во продукција на велешкиот театар „Јордан Хаџи Константинов Џинот“, а во режија на Синиша Ефтимов. Во рамки на фестивалот ќе биде доделена и наградата за животно дело.

Театарскиот фестивал ќе трае до 8 април кога ќе бидат доделени и фестивалските награди за најдобар актер, најдобра актерка, најдобар режисер и најдобра претстава.

Билетите ќе бидат пуштени во продажба на билетарата во театарот од понеделник, 23 март. Поради големиот интерес за присуство на фестивалските вечери, резервации нема да има.

Фестивалот е во организација на Здружението на граѓани „Плус публика“.