Окт212026

Врз основа на член 3 од Деловникот за работа на Комисијата за стипендирање на  талентирани ученици и студенти на Советот на Општина Велес („Сл.гласник на Општина Велес“ бр.11/11), член 8 од Прaвилникот  за условите, критериумите и начинот за доделување на стипендии на талентирани ученици и студенти во Општина Велес  („Сл.гласник на Општина Велес“ бр.17/22, 18/22, 16/23 и 17/25),  Правилник за изменување и дополнување на Правилникот за условите, критериумите и начинот за доделување стипендии на талентирани ученици и студенти во Општина бр.09-4014/6, а во согласност со Програмата на Комисијата за стипендирање на талентирани ученици и студенти во Општина Велес за 2026/2027 година  бр.09-4014/7 од 20.10.2026 година

 

Комисијата за стипендирање на талентирани ученици и студенти во Општина Велес на ден 21.10.2026 година, распишува

 

К О Н К У Р С

за стипендирање на талентирани ученици и студенти

за учебна/студиска 2026/2027 година

 

За учебната/студиска 2026/2027 година, Општина Велес ќе додели:

  • 19 стипендии на талентирани ученици од II, III, IV година во средно образование. Стипендијата е во висина од 2.000 денари месечно, а се исплатува 9 (девет) месеци во текот на учебната година.
  • 15 стипендии на талентирани студенти со завршена најмалку една година од студиите во високото образование. Стипендијата е во висина од 2.500 денари месечно, а се исплатува 9 (девет) месеци во текот на академската година.

 

 

Средствата за стипендиите се обезбедени од: Буџетот на ОПШТИНА ВЕЛЕС, и донации од: ЖИТО МАРКЕТИ и АГРИА-АГРОИНДУСТРИСКА ГРУПАЦИЈА ДООЕЛ Велес

 

Услови за доделување на стипендии

 

Право на стипендија имаат кандидатите кои учат и студираат во училиштата и факултетите во РСМ, а  ги исполнуваат следните услови:

  1. Редовни ученици од средно образование од II, III, IV година со одличен успех, (за учебната годината која и претходи на година во која аплицира за стипендија)  кои освоиле награда на општински, регионални, државни и меѓународни натпревари од областа на науката, техниката, културата, спортот и други учества (во претходната учебна година);
  2. Редовни студенти со минимум запишана II година со континуирано студирање, кои освоиле награда на државни или награда на меѓународни натпревари  од областа на науката, техниката, културата, спортот и други учества, и во текот на студии постигнале просечен успех од 9.00 и над 9.00.
  3. Да се жители на Општина Велес и
  4. Да се државјани на РСМ.

 

Потребни документи за учество на конкурсот за стипендии

 

За ученици

 

  1. Пријава од апликантите до Комисијата.
  2. Свидетелство од претходна учебна година.
  3. Документ со кој потврдува освоени награди од општински, регионални, државни и меѓународни натпревари (за претходната учебна година).
  4. учества во хуманитарни акции, учества на семинари, конференции, образовни прoекти, благодарници и слично (за претходната учебна година).
  5. Изјава заверена на нотар дека барателот е согласен неговите лични податоци да се користат исклучиво за постапката за доделување на стипендии)
  6. Изјава дека сите податоци доставени со целокупната документација се вистинити и содржината на истите е вистинита.

 

За студенти

  1. Пријава од апликантите до Комисијата.
  2. Уверение за положени испити.
  3. Потврда за запишана година на факултетот.
  4. Документ кој потврдува освоени награди на државни и меѓународни натпревари.
  5. учества во хуманитарни акции, учества на семинари, конференции, образовни прoекти, благодарници и слично.
  6. Потврда за објавени стручни трудови.
  7. Изјава заверена на нотар дека барателот е согласен неговите лични податоци да се користат исклучиво за постапката за доделување на стипендии)
  8. Изјава дека сите податоци доставени со целокупната документација се вистинити и содржината на истите е вистинита.

 

               Место и рок за поднесување на документите

 

Пријавата со потребните документи се доставуваат по електронски пат на https://euslugi.veles.gov.mk/.

Рокот за поднесување на документите е од  21.10.2026 до 09.11.2026 година.

Пријавата и изјавите се објавени на веб-страната на Општина Велес.

Резултатите од конкурсот ќе бидат објавени на веб страната на Општина Велес и истакнати на огласна табла во Општинскиот центар за услуги.

Поблиски информации можат да се добијат на тел: 078 342 316

Конкурсот ќе биде објавен:

  • на веб страната на Општина Велес и социјалните мрежи на Општина Велес и донаторите
  • на огласна табла во Општинскиот центар за услуги,