Во Општина Велес вчера се одржаа јавни расправи по предлог-програмите за работата на општината за 2027 година, на кои присуствуваа градоначалникот Марко Колев, членови на Советот, раководители на сектори и општински одделенија и претставници на месните и урбаните заедници.
На средбите, претставниците на локалните заедници имаа можност да ги презентираат своите потреби, да поставуваат прашања, да ги посочат проблемите со кои се соочуваат и да побараат конкретни решенија за подобрување на условите за живот во нивните населени места.
Претставниците на локалната самоуправа ги слушнаа нивните барања, предлози и идеи и во рамки на можностите ќе се заложат за нивно вклучување во програмите за работа за 2027 година, со цел изнаоѓање соодветни решенија и подобрување на условите за живот во сите населени места.
Целта на јавните расправи е преку непосредна комуникација со граѓаните да се утврдат реалните потреби и приоритети со кои се креираат програми во интерес на сите жители на Општина Велес.
