Врз основа на член 50, став 1, точка 9 од Законот за локалната самоуправа („Службен.весник на Република Македонија“ бр.5/02), член 19-а став 4 и член 23 од Законот за јавните претпријатија („Службен.весник на Република Македонија“ бр.38/96 …. 35/19 и „Службен весник на РСМ“ бр.275/19),
Градоначалникот на Општина Велес на ден 08.04.2022 година, донесе
Р Е Ш Е Н И Е
за избор на Директор
на Јавното комунално претпријатие
„Дервен“ Велес
1.За Директор на Јавното комунално претпријатие „Дервен“ Велес
се избира:
– Горанчо Наунчев од Велес – Дипломиран инженер технолог од базно неорганско инженерство.
2. Директорот својата функција ќе ја извршува за време од 4 години започнувајќи од 12.04.2022 година.
3.Ова Решение стапува во сила со денот на донесувањето и ќе се објави во „Службен гласник на Општина Велес“.
Образложение
Градоначалникот на Општина Велес, распиша Јавен конкурс бр.08-1626/2 од 23.03.2022 година за избор на директор на ЈКП „Дервен“ Велес. По распишаниот јавен конкурс, Градоначалникот на Општина Велес донесе одлука со која Горанчо Наунчев од Велес e избран за Директор на ЈКП „Дервен“ Велес со мандат од 4 години од денот на изборот започнувајќи од 12.04.2022 година.
Врз основа на горе изнесеното, а согласно член 19-а став 3 и член 23 од Законот за јавните претпријатија („Службен.весник на Република Македонија“ бр.38/96 …. 64/18) се одлучи како во диспозитивот на ова решение.
Правна поука: Против ова решение може да се изјави жалба во рок од 8 дена од денот на приемот на решението до Државната комисија за управна постапка и постапка за работен однос во втор степен.
Број 08-1626/7 Градоначалник
08.04.2022 година на Општина Велес,
В е л е с Марко Колев
