Се роди првото бебе во Велес во новата година. На одделението за гинекологија и акушерство во Општа болница Велес попладнево, точно во 12:30 часот, се роди здраво машко бебе, трето дете во семејството Јакимовски од светиниколското село Пеширово. Бебето е тешко 3 килограми и 280 грама а долго е 52 сантиметри. Мајката и бебето се во добра здравствена состојба.
Мајката Ивана и бебето ги посети градоначалникот Марко Колев. На новороденчето му подари штедна книшка и пригодни подароци, му посака добро здравје и безгрижно детство.
