Започна со работа регионалниот стационар за згрижување на бездомни животни „Шепа“. Стационарот има капацитет од 67 бездомни животни кои ќе се заловуваат, третираат и повторно пуштат на улица. Објектот опфаќа ветеринарна клиника за прием, преглед, кастрација, чипирање, лекување на домашни миленици или бездомни животни. Регионалниот центар ќе опслужува девет општини, Велес, Чашка, Лозово, Свети Николе, Градско, Росоман, Кавадарци, Неготино и Демир Капија.
Стационарот се изгради во рамки на проектот за „Одржлив и инклузивен рамномерен регионален развој и со него ќе се обезбеди хуман третман на бездомните животни.
