Дваесет и девет семејства од социјално ранливи категории денеска ги добија клучевите од становите во новата зграда, изградена од Акционерското друштво за стопанисување со станбен и деловен простор. На предавањето на клучевите покрај градоначалникот Марко Колев присутен беше и премиерот Христијан Мицкоски, министерот за транспорт Александар Николовски, пратеникот Александар Јамалов и дел од советниците.
Овој проект е од огромно значење за семејствата, но и за заедницата, поради што Општина Велес и понатаму ќе соработува со Владата и сите други институции кои придонесуваат за добросостојбата на сите граѓани.
