Заедничко чествување на Свети Трифун во Младински парк. Општина Велес организира пригодна програма за одбележување на празникот, заштитникот на лозјата и виното, со одлична музика, вкусна храна и квалитетни вина.
Програмата ќе започне со фолклорниот ансамбл „Вила Зора“. Потоа следуваат настапите на детскиот хор „Св.Кирил и Методиј“, Ансамбл Керамичар, „Велешка чалгија“, КУД „Коле Неделковски“, „Стакато Бенд“, „Екстрим Бенд“, а за комплетен впечаток на вечерта ќе настапи Игор Димовски – Пауза за ракија и Љубојна.
Граѓаните ќе имаат можност да дегустираат квалитетни вина од локални винарии и да вкусат традиционални велешки специјалитети.
Општина Велес ги поканува сите граѓани на заедничко чествување на Свети Трифун на 14 февруари, во Младински парк со почеток во 12:00 часот.
