Покрај веќе поставената повратна машина во ”КАМ МАРКЕТ” во трговски центар ‘ПЕРОН”, поставени се уште две повратни вендинг машини за рециклирање на ПЕТ и алуминиумска амбалажа во два Жито Маркета во Велес на следниве локации,
-маркет Жито Ване во Нова населба на ул.Благој Ѓорев бр.166А
-маркет Жито кај Градскиот пазар на ул.Димитар Влахов бр.1
Преку годишната Програма за заштита на животната средина, општина Велес продолжува да ги субвенционира зелените поени на граѓаните во вредност од 0,5 МКД за секој зелен поен кој се доделува за секое собрано 1(едно) ПЕТ шише или 1(една) лименка.
За да можат да ги користат вендинг машините граѓаните треба да ја симнат апликацијата на своите паметни телефони и со едноставна најава на вендинг машината ќе можат да го одлагаат својот амбалажен отпад и да добијат зелени поени. За дополнителни информации околу постапката на симнување на апликацијата и регистрирање можат да ја посетат официјалната веб страница на ПАКОМАК:
https://pakomak.mk/Pages/Index/povratni_vending_masini?selectPage=ekomak_aplikacija
На овој начин, Општина Велес со ПАКОМАК продолжува да ги подобрува условите за поефикасно и поодговорно рециклирање на амбалажата во градот, понатамошна едукација и подигнување на свеста кај граѓаните за зачувување на почиста животна средина.