Организацискиот одбор на 57.Детски Рацинови средби распишува конкурс за предметните наставници од основните училишта, за изработка на мултимедијален ИКТ проект, инсприран од ликот и делото на безвремениот Коста Солев Рацин на тема:
„Мене и душата ми е црвена“ – Рацин
Право на учество имаат сите предметни наставници со своите ученици од основните училишта.
Мултимедијалниот проект треба да биде инспириран од животот и делото на бесмртниот Рацин, со посебен осврт на зададената тема. Креативноста во изработката е на самиот наставник и учениците, а во него ќе се вреднува оригиналноста, иновативноста, интерактивноста, инспиративноста, современите методи и форми на работа.
Секој наставник има право на учество со еден ИКТ проект. Снимката од активностите и презентациите да не биде подолга од 10 минути.
Изработките во форма на ИКТ содржини треба да бидат испратени најдоцна до 31.10.2024 година на следната електронска адреса: 57detskiracinovi@gmail.com со назнака „За мултимедијален ИКТ проект“, со следните податоци: име и презиме на наставникот, училиште, место, е- адреса и телефон за контакт.
Најдобрите три проекта ќе бидат избрани од страна на стручна жири-комисија, формирана од организаторот.
Откако жири-комисијата ќе направи избор, наградените ќе бидат известени за начинот и времето на одржување на Манифестацијата.
Рацинови следбеници, Ве очекуваме!
Со почит,
Организациски одбор на 57.Детски Рацинови средби
Почитувани, поради настанати технички проблеми на е-маилот на коштој ги испраќавте вашите говори за ораторство, рецитатори, ИКТ изработки и поетски творби, ве замолуваме, истите да бидат препратени на 57detskiracinovi@gmail.com. Конкурсот се продолжува до 5.11.2024 година. Ви благодариме на разбирањето.
Со почит ОО на 57. Детски Рацинови средби
