Во наредните денови ќе започнат градежните активности за целосно уредување на просторот околу зградите во Комплекс Узус. Градоначалникот Марко Колев заедно со општинските служби денеска извршија увид на локацијата на која ќе се вршат градежни работи.
Граѓаните на овој дел од градот ќе добијат ново модерно катче опремено со детски реквизити, урбана опрема и зелени оази за одмор и рекреација на сите посетители.
Проектот се реализира со финансиски средства од буџетот на Општина Велес во соработка со Бирото за регионален развој.
