Во рамките на шестата фаза од проектот „Учиме за ЕУ“ што ја спроведува Секретаријатот за европски прашања, на 8-ми март годинава во СОУ Гимназија „Кочо Рацин“ учениците од трета и четврта година имаа можност да слушнат подетални информации за европерспективите на Македонија. На средбата со Учениците присуствуваше Амбасадорот Ерван Фуере, Шеф на Делегацијата на ЕУ во Република Македонија кој на младите Велешани им порача дека на Македонија и се најпотребни визионери и лидери. Посочувајќи го примерот на неговата родна земја Ирска која пред влезот во ЕУ се соочуваше со големи економски проблеми, Амбасадорот ја нагласи потребата од реформски процеси.

По повод 8-ми март, Меѓународен ден на жената, Градоначалникот Горан Петров преку средствата за јавно информирање упати честитка до припадничките на понежниот пол во Општина Велес. „Со поголемото присуство на жената во општествениот живот, во сите нивоа на власт, во бизнисот, судството, здравството, образованието, производството, невладиниот сектор, говори за способноста, издржливоста, инвентивноста,креативноста и упорноста на жените“, рече Петров. Наместо прием и цветови за жените од сите области на општествениот живот во локалната заедница, Градоначалникот годинава одлучи празникот да се одбележи со доделување на средства за помош на жени кои се наоѓаат во незавидна социјална состојба.