logo na opstina velesdesign

Локална власт
Урбани и месни заедници
Населени места
Архива на настани
Архива на документи

Отчет за работата на Општина Велес за 2013 година

 

 

 



 

Број на посети:

www.veles.gov.mk
Се подготвува урбаната опрема за новиот парк
Среда, 16 Април 2014 13:38

Во работилницата на ЈКП Дервен деновиве во тек е финална доработка на канделабри набавени од страна на Општина Велес, а кои ќе бидат поставени во новоизградениот парк кај училиштето Васил Главинов. За потребите на овој парк ЈКП Дервен изработува и комплетна урбана опрема – различни видови на парковски клупи и столчиња и летниковци.

Повеќе...
 
Општина Велес преку ИПА ќе го реализира проектот „ЕНЕРЏИНЕТ”
Среда, 16 Април 2014 13:35

На 11 април 2014 година, Заедничкиот технички комитет на ЕУ за имплементација на Програмата за прекугранична соработка Македонија - Грција финансиран од ИПА на македонска страна го одобри Предлог проектот „Енерџинет“ – Тематска мрежа на прекуграничите локални власти за одржлива енергија.  Водечки партнер од Македонска страна е Општина Велес, а партнер Општина Прилеп. Партнери од грчка страна се општините Флорина, Ираклеа и Визиалтија. Вкупната вредност на проектот е 799.554 евра или 49.572.348 денари.

Повеќе...
 
Известување - манифестација Велигденско јајце
Вторник, 15 Април 2014 11:55

Се известуваат граѓаните на Општина Велес дека поради најавата на неповолни временски услови до крајот на оваа недела, манифестацијата Велигденско јајце се одложува за 22-ри април 2014 година (вторник) на истата локација – Младински парк, 11:00 часот

 
Се интензивираат активностите за изградба на новата фабрика
Вторник, 15 Април 2014 07:04

Во новоформираната индустриска зона „Караслари” се вршат интензивни градежните работи за изградба на фабриката на германската компанија „Marquardt GmbH”. Фабриката ќе произведува електронски продукции со висока технологија како составни делови за врвни германски брендови на автомобили. Во неа ќе бидат вработени околу 600 лица. Производствениот погон ќе биде со површина од 15.000 метри квадратни. Изградбата се очекува да биде завршена во првиот квартал на 2015, по што ќе се започне со производство на автомобилските производи.

Повеќе...
 
Се поставува новата вештачка трева на Градскиот стадион
Понеделник, 14 Април 2014 16:12

На Градскиот стадион во Велес во тек се завршните активности за замена на тревната површина. Овие денови се врши промена на дренажниот ситем, поставување на гумена подлога, нивелирање и подготвување на теренот за новата вештачка висококвалитетна вештачка трева. Во увид на градежните работи на стадионот денес беше и градоначалникот Славчо Чадиев кој изрази задоволство од динамиката и досегашниот интензитет на работа. „Ископани се веќе дупките за стативите со што по завршувањето на овој завршен процес преминуваме на одбележување на фудбалскиот терен по што се надеваме дека за брзо време ќе се одигра и првиот натпревар на новиот терен на градскиот стадион“, истакна, градоначалникот Чадиев.

Повеќе...
 
Известување - работни активности на улица Београдска
Понеделник, 14 Април 2014 15:43

Почитувани,
 
Општина Велес согласно Програмата за уредување на градежно земјиште на просторот на Општина Велес за 2014 година предвидува асфалтирање на дел од улица Београдска. Во таа насока, ја информираме јавноста дека од 15 Април до 20 Април ќе биде затворен дел од улицата Београдска (на потег од број 3 до број 15) поради изведба на асфалтерски работи. Известувањето е за запознавање на жителите од улица Београдска и другите улици кои гравитираат кон оваа улица.

Со почит,
Општина Велес

 
Tрадиционален натпревар „Детски семафор 2014“
Петок, 11 Април 2014 18:50

Денес во просториите на ООУ„Васил Главинов“ во Велес се одржа традиционалниот натпревар „Детски семафор“ во организација на Општинскиот совет за безбедност на собраќајот на патиштата Велес. На натпреварот учеествуваа 50-тина ученици од сите основни училишта во Велес, Градско и Чашка. Учениците се натпреваруваа во 2 дисциплини и тоа: проверка на познавањето на сообраќајните знаци и прописи преку решавање на тест и вешто возење со велосипед на предходно подготвениот полигон.

Повеќе...
 
Одлука за неспроведување на стратегиска оцена - Детален урбанистички план за дел од УЕ 1, УБ 10 во Општина Велес
Петок, 11 Април 2014 13:32
Повеќе...
 
Продолжува соработката со Франција во заштитата на старата архитектура
Петок, 11 Април 2014 11:59

На 11-ти април годинава, Градоначалникот Славчо Чадиев во функција на претседател на Асоцијацијата на градови од Македонија со архитектонско наследство оствари средба со Марилиз Ортиз, директорка на Француската национална асоцијација на градови со историја и уметност и Жан Руже, потпретседател на асоцијацијата. На средбата беа разгледани реализираните активности за попис на архитектонското наследство во Велес, Берово, Штип, Кратово и Куманово. Градоначалникот Чадиев изрази задоволство од постигнатите резултати и можностите да се направат уште поголеми интервенции на планот на заштитата на староградската архитектура. На средбата со претставниците на Француската национална асоцијација стана збор за претстојните активности за партнерско аплицирање на двете асоцијации на проекти пред европските фондови.

Повеќе...
 
Ученичките од ООУ „ЈКХ Џинот” со сребрен медал во танцување
Среда, 09 Април 2014 14:57

На меѓународниот натпревар по танцување MACEDONIA OPEN 2014 кој се одржа на 30.03.2014 год во Скопје , во категоријата Show dance, ученичките од балетската група „MAXIMA“ при ООУ „Јордан Хаџи Константинов - Џинот“, го освоија 2-то место. По тој повод, градоначалникот Славчо Чадиев денес во својот кабинет ги прими наградените ученички заедно со директорката на училиштето и нивната менторка. Од страна на градоначалникот кој во холот на општината имаше имаше прилика лично да го погледне победничкиот танц, беа упатени честитки до наградените, со надеж дека ќе продолжат да се занимаваат со ова интересно хоби, а со тоа и успешно претставување како на училиштето така и на нашиот град.

Повеќе...
 
ИЗВЕСТУВАЊЕ - Извештај за Стратегиска оцена за влијание врз животната средина на ДУП за дел од УЕ 1, УБ 2, УБ 7 и УБ 9 , Велес
Среда, 09 Април 2014 10:35

Врз основа на член 61 став 5 и член 69 став 1 од Законот за животната средина (”Службен весник на РМ“ број 53/05, 81/05, 24/07, 159/08, 83/09, 48/10, 124/10, 51/11, 123/12, 93/13, 187/13), и член 4 од Уредбата за учество на јавноста во текот на изработката на прописи и други акти, како и планови и програми од областа на животната средина (”Службен весник на РМ“ број 147/08, 45/11), Општина Велес го објавува следното:

ИЗВЕСТУВАЊЕ

За изработка на Извештај за Стратегиска оцена за влијание врз животната средина на ДУП за дел од УЕ 1, УБ 2, УБ 7 и УБ 9 , Велес – Општина Велес

Повеќе...
 
Градоначалникот Чадиев оствари средба со белгиската амбасадорка
Среда, 09 Април 2014 08:39

На 8-ми април годинава, Градоначалникот Славчо Чадиев оствари средба со Н.Е. госпоѓа Аник Ван Калстер, Амбасадорка на Неговото Величество, Кралот на Белгијците и господинот Вилем Де Грав, Директор за односи со јавност на Белгискиот стрип Центар со седиште во Брисел. Градоначалникот ги презентираше клучните аспекти од развојот на Велес, особено на планот на локалната економија. На средбата беа разгледани можностите за продлабочување на соработката со Белгија на културен план и започнување на соработка во областа на економскиот развој и инвестициите. Градоначалникот нагласи дека Општина Велес е секогаш отворена за соработка и подготвена за нови предизвици во интерес на граѓаните.

Повеќе...
 
„Marquardt GMBH“ започна со градба на фабриката во Велес
Вторник, 08 Април 2014 13:55

Денес започнаа градежните работи за изградба на фабриката на германската компанија „Marquardt GmbH”. Фабриката која ќе биде сместена во новоформирана индустриска зона Караслари ќе произведува електронски продукции со висока технологија како составни делови за врвни германски брендови на автомобили. Во неа ќе бидат вработени околу 600 лица. Производствениот погон ќе биде со површина од 15.000 метри квадратни. Изградбата се очекува да биде завршена во првиот квартал на 2015, по што ќе се започне со производство на автомобилските производи. Инаку, германската групација „Marquardt GmbH” која е основана во 1925 година, досега има отворено компании во 9 земји ширум светот и во нив работат повеќе од 7.000 лица.

Повеќе...
 
Распоред за плакатирање
Понеделник, 07 Април 2014 13:44

Градоначалникот на Општина Велес, согласно член 78 од Изборен законик – пречистен текст („Сл.весник на РМ“ бр.32/14), донесе Објава за утврдување на места на кои е дозволено да се истакнуваат изборни плакати со обезбедени еднакви услови за сите организатори на изборната кампања учесници во претседателските избори во 2014 година бр. 08-1699/1 од 21.02.2014 година и Објава за утврдување на места на кои е дозволено да се истакнуваат изборни плакати со обезбедени еднакви услови за сите организатори на изборната кампања учесници во предвремените парламентарни избори во 2014 година бр. 08-3073/1 од 31.03.2014 година.

Повеќе...
 
Реконструкција на водоводна линија на улица Мирче Ацев
Понеделник, 07 Април 2014 12:49

Изминативе денови РЕ „Водовод и канализација” при ЈКП Дервен работи на завршната фаза од реконструкцијата на водоводната линија долж улица Мирче Ацев во должина од 150 метри. Со овој зафат се опфаќа замена на старата и дотрајана салонитна водоводна линија со нова, изработена од висококвалитетен ПВЦ материјал.

Повеќе...
 
Одлука за неспроведување на стратегиска оцена - Детален урбанистички план УЕ 2, УБ 12 во Општина Велес
Петок, 11 Април 2014 13:15
Повеќе...
 
СООПШТЕНИЕ - ЗАПИШУВАЊЕ НА УЧЕНИЦИТЕ ВО ПРВО ОДДЕЛЕНИЕ ВО УЧЕБНАТА 2014/2015 ГОДИНА
Петок, 11 Април 2014 05:46

Согласно член 46  и 47 од Законот за основното образование („Сл. весник на Република Македонија“ бр.103/08 година) и член 10 од Законот за просветната инспекција („Сл. весник на Република Македонија“ бр. 52/05) , им се соопштува на  сите родители дека во месец мај 2014 година ќе се врши упис на учениците во прво одделение во сите општински основни училишта. Запишувањето на учениците во прво одделение е задолжително за сите деца кои се родени од 01.01.2008 до 31.01.2009 година. Задолжителното образование е за децата кои до крајот на  календарската  година ќе наполнат шест години.

Повеќе...
 
Стрипот не спријатели со Белгија
Среда, 09 Април 2014 06:51

Знаевте ли дека Штрумфови, Таличниот Том и популарниот Тин Тин се родени во Белгија? За овие светски стрип јунаци, велешани имаа можност да слушнат лично од Вилем де Грав, директор за односи со јавност на Белгискиот стрип Центар. На презентацијата посветена на стрипот во Белгија како голем успех за мала земја, Де Грав ги однесе велешани на патување низ историјата на белгиската стрип уметност, моментите на создавање на популарниот Музеј на стрипот во Брисел и креирањето на 5 белгиски училишта за стрип уметност. Ова интересно предавање кое ги привлече младите генерации во Велес беше увертира во главниот настан посветен на стрип уметноста и билатералната соработка со Белгија: Отворањето на изложбата „Неро“ на истакнатиот белгиски стрип уметник Марк Слин.

Повеќе...
 
Се гради паркинг простор во близина на Автобуската станица
Среда, 09 Април 2014 08:45

Општина Велес ги искористи убавите денови од оваа седмица за изградба на паркинг простор на левата страна од Велес, во близина на Автобуската станица. Просторот наменет за паркирање се планира да биде со капацитет за 100-тина возила. Со изградбата на овој паркинг простор се очекува да се намали навалицата и гужвата, од левата страна на градот но и од централното градско подрачје.

Повеќе...
 
8-ми Април - Меѓународниот и Национален ден на Ромите
Вторник, 08 Април 2014 13:58

Градоначалникот на Општина Велес Славчо Чадиев и Советот на Општина Велес на сите припадници на ромската националност им упатува честитки по повод Светскиот ден на Ромите 8-ми Април. Општина Велес останува доследна на реализацијата на сите проекти поврзани со презентација на ромската култура и традиција како и целосна инклузија на ромската популација во секојдневното живеење.
 
Со почит,

Славчо Чадиев,
Градоначалник на Општина Велес

 
7-ми Април, Светски ден на здравјето
Понеделник, 07 Април 2014 16:02

Вработените и менаџерскиот тим на велешката болница денеска свечено го одбележаа 7 април - Светскиот ден на здравјето. На свеченоста директорот на болницата д-р Атанас Василев истакна дека добрата организација во болницата, вистинските луѓе и апаратурата, како и знаењето и лековите заедно придонеле да се извојува победата во борбата против болестите. Инаку во Општата болница во Велес целосно се реконструирани хируршкото, детското, гинеколошкото и интерното одделение. Во тек е и втората фаза од реконструкцијата на физикалното одделение. Болницата е опремена и модернизирана со најсовремена апаратура.

Повеќе...
 
Детската градинка го одбележува патрониот празник
Понеделник, 07 Април 2014 12:59

Детската градинка „Димче Мирчев“ денес го обележа својот патронен празник. Со песна и игра како што им доликува на најмладите, во целосно реконструираниот објект број 6 кој се наоѓа во близина на Градскиот пазар, се одржа централната манифестација. На приредбата гостин беше и градоначалникот Славчо Чадиев, пред кого дечињата облечени во маски од цртаните филмови, изведоа извонредна претстава. Празнувањето продолжи во објектот кај Жаба зграда. Овде, на бистата на народниот хереј Димче Мирчев цвеќе положија делегација Општина Велес, дечињата и вработените од градинката и членови на ОО на СЗБ од НОВ од Велес.

Повеќе...
 
Повеќе Артикли...
Има 13 гости присутни

Visit Veles

 

ЈКП Дервен - Велес






Valid CSS!